Հոկտեմբեր ամսվա նախագծերը

Posted on

«Դիջիթեք էքսպոն՝ ուսումնական տաղավար» նախագիծ

Սովորող-սովորեցնող նախագիծ

 

 

 

Реклама

«Դիջիթեք էքսպոն՝ ուսումնական տաղավար» նախագիծ

Posted on

Image result for Դիջիթեք էքսպո 2018

Հոկտեմբերի 5-ին, ժամը՝ 12:00-ին:

Կրթահամալիրի Միջին դպրոցի մաթեմատիկայի ընտրության խմբի սովորողների մի խումբ կմասնակցի Դիջիթեք էքսպո 2018-ին։ Մասնակցության նպատակն է ծանոթանալ ոլորտի շուկայի վերջին թրենդներին ու նորարարություններին։ ԴիջիԹեքը տեխնոլոգիական տոն է, որը միավորում է հայաստանյան և միջազգային ՏՏ ոլորտի առաջատարներին և հասարակությանը:

Մասնակիցներ՝

  1. Հարությունյան Հարություն
  2. Մկրտչյան Մառա
  3. Մուրադյան Գոռ
  4. Բաբայան Վռամ
  5. Գրիգորյան Նարեկ
  6. Պապիկյան Մուշեղ
  7. Շահվերդյան Տիգրան
  8. Մանուկյան Նարե
  9. Գրիգորյան Տրգրան
  10. Հակոբյան Տիգրան

Սեպտեմբեր ամսվա հաշվետվություն

Posted on

Ուսումնական ճամփորդություն,բարձրունքի գրավում՝ Դեպի արայի լեռ։Ամփոփումը այստեղ։

Մաթեմատիկական ֆլեշմոբի երրորդ մակարդակի խնդիրների համակարգում։

 

 

Դեպի Արայի լեռ-ամփոփում

Posted on

Սեպտեմբերի 21-ին արդեն ավանդույթ է դարձել կրթահամալիրում սովորողների խմբերով բարձունքի գրավումը։Երկու տարի անընդմեջ, միջին դպրոցի սովորողների տարբեր խմբերով,անկախության տոնի արթիվ բարձրանում ենք Արայի լեռ։Տեսանյութը այստեղ։

Դեպի Արայի լեռ

Posted on Updated on

IMG_4503[1]

Սեպտեմբերի 21

Արշավը սկսվում է սեպտեմբերի 21-ին, մայր դպրոցի  մոտից, ժամը 9:00 և ավարտվում է նույն օրը՝ ժամը 18:00։

Նպատակը՝

  • բարձունքի հաղթահարում, հայրենագտություն, քայլարշավ
  • սովորողների  խմբին ծանոթացնել մեր լեռնաշխարհի գեղեցիկ լեռներից մեկին՝ Արայի լեռանը
  • Սովորողների մոտ բարձրուքներ նվաճելու ձգտում
  • Անկախության օրը նշել բարձրունքի գրավումով։

Արդյունքները՝  հայրենագիտական,ուսումնական արշավի մասին սովորողների և դասավանդողների տպավորությունների և կազմած նյութերի հրապարակում բլոգներում։

Մասնակիցներ՝ Միջին դպրոցի սովորողներ։

Կազմակերպիչ՝ Մենուա Հարությունյան, Վարդուհի Հայրյան, Ստելլա Մնացականյան, Էմանուել Ագջոյան

Շարժվելու ենք Սուրբ Երրորդություն եկեղեցու մոտից։Անցնելու ենք Եղվարդ-Ապարան ավտոճանապարհով,իսկ հետ ենք վերադառնալու Ապարան-Աշտարակ ավտոճոնապարհով։

Լեռը բարձրանալու ենք հյուսիս-արևելյան կողմից՝ Երնջատափ գյուղի մոտով,լեռան անտառապատ մասով։

Սովորողները իրենց հետ ունենում են բրդուճներ, տաք հագուստ, ջուր և 1500 դրամ ճանապարհածախս։

Ուսումնական նյութեր.

Արալեռը (Արայի լեռը)

Արալեռը (Արայի լեռը) գտնվում է Հրազդան և Քասախ գետերի միջև: Բարձրությունը 2577մ է: Ունի անկանոն կոնի ձև` հատած գագաթով և օղակաձև խառնարանով:
Կլիման ցամաքային է, տեղումները` 300-400մմ: Ստորոտին տարածված են գորշահողերով ծածկված օշինդրային կիսաանապատներ: Բարձրադիր մասերում տարածված են տափաստանները: Օգտակար հանածոներից կան անդեզիտ-բազալտ և անդեզիտ:
Հյուսիսային լանջին հանդիպում են կաղնու նոսր պուրակներ ու թփուտներ: Տարվա տաք եղանակներին ամբողջ լեռը պատվում է գույնզգույն փարթամ ծաղիկներով: Պատահում են բազմաթիվ կենդանիներ:

Ըստ ավանդության, լեռը կոչվել է Արա գեղեցիկ արքայի անունով: Ասորեստանի թագուհի` Շամիրամի դեմ ճակատամարտի ժամանակ, Արան իր զորքը դասավորել էր Արալեռի ստորոտում: Իսկ թագուհին դիրքավորվել էր Հատիսի լանջին:
Համաձայն լեգենդի` Արալեռը դա հենց Արա գեղեցիկի մարմինն է, որը ընկել էր ճակատամարտի ժամանակ: Հեռվից այն իրոք նմանվում է, ձեռքերը կրցքին դրած, պառկած մարդու:
Հաճախ զբոսաշրջիկներից կարելի է լսել. «բարձրացանք ձեռքերի ուղղությամբ» կամ «թեքվեցինք դեպի ոտքերը»: «Ձեռքերը» դա լեռան միջնամասն է, իսկ «ոտքերը»` արևելյան մասը. այնտեղ է գտնվում ամենաբարձր կետը: «Քիթ» են անվանում, գագաթի արևմտյան մասում ցցվող` ժայռազանգվածը, որը կոչվում է նաև «Աքլորաքար»:
Աքլորաքարում ժայռի մեջ է խորանում մի քարանձավ, որը անվանում են Կույս Վարվարայի անապատ: Այցելուների մոտ սարսուռ է անցնում, երբ պատկերացնում է, թե ինչպես է ինքնազոհ կույսը գիշերել այդ բարձրության վրա` միակության մեջ` կայծակների ու հողմերի վտանգի կողքին:
Արալեռի հետ կապված է ևս մի ավանդապատում: Ասում են, որ երբ Հռիփսիմե և Գայանե կույսերը փախչում էին արքայական զինվորներից, նրանք խնդրում են մի հովվի, որ նա ապահով ուղղություն ցույց տա: Հովիվը կատարում է խնդրանքը, սակայն ամբողջը պատմում է զինվորներին: Այդ նույն վայրկյանին, հովիվը` իր հոտի հետ միասին, քարանում է:
Շատ գեղեցիկ է Արալեռը. նամանավանդ ոտքերից քիթը տանող ճանապարհին: Այդ սարը սովորաբար մեծ բազմություններ են բարձրանում ապրիլի 24-ին` Մեծ Եղեռնի հիշատակի օրը:

Աշնանամուտը սարալանջում

Posted on

Նախագծի նպատակը՝

  • Պարտիզապուրակային գործ
  • Մայր դպրոցի հարակից սարալանջում մի խումբ սովորողների հետ իրականացնել տարածքի մաքրման աշխատանքներ։
  • Տարածքը պատրաստել հետագա աշխատանքների համար՝ ծառատունկ,ծաղկատունկ։

Սեպտեմբերի 3-7, ամենամյա ստեղծագործական 13-րդ հավաք

Posted on

21475928_1629220897130060_2112463113_nՍեպտեմբերյան ամենամյա նախագծերի մեկնարկը։ Նախագծերի ներկայացումը կատարվում ե սովորողների հետ միասին։

Նպատակը՝ 

  • Հեղինակային կրթայան ծրագրի ներկայացում
  • Հեղինակային կրթական ծրագրի Բլեյան բաց ցանցի տարածում

Բովանդակությունը՝

Ընդհանուր հավաքներ

  • 2018-2019 ուսումնական տարվա կրթական շքերթ` սեպտեմբերի 4
  • Ուրբաթ-համերգ-ընդհանուր պարապմունք՝ սեպտեմբերի 7
  • Արատեսի դպրական կենտրոնում «Դպրոց բնության գրկում» հայրենագիտական-բնապահպանական-արշավախմբային ճամբարի մեկնարկ՝ սեպտեմբերի 7

Հրավիրում ենք մասնակցելու հավաքին՝ որպես նախագծերի փորձագետներ, մասնակիցներ՝ դասարանով, սովորողների-ուսուցիչների խմբով, ներկայացնելու սեփական նախագիծը։ Մարզերից, Արցախից, Վրաստանից մասնակիցները կարող են հյուրընկալվել կրթահամալիրի կրթական փոխանակումների կացարաններում:

Մասնակցության հայտը:

Հասցե` Րաֆֆի 57, (374 10) 74 72 46, (374 91) 43 10 99